[Asturies] 25 de mayu ¡LES ASTURIANES SIGUIMOS LLUCHANDO!

Güei, 25 de mayu, conmemoramos la declaración de soberanía de la Xunta Xeneral del Principáu d’Asturies en 1808 escontra la invasión napoleónica, y nun se trata namás de facer alcordanza de la nuesa hestoria, sinón que tamién d’aprender d’ella y nun dexar enxamás que naide nos torgue’l futuru y la vida digna pola que lluchamos.

25 DE MAYU ¡LES ASTURIANES SIGUIMOS LLUCHANDO! 

Güei, 25 de mayu, conmemoramos la declaración de soberanía de la Xunta Xeneral del Principáu d’Asturies en 1808 escontra la invasión napoleónica, y nun se trata namás de facer alcordanza de la nuesa hestoria, sinón que tamién d’aprender d’ella y nun dexar enxamás que naide nos torgue’l futuru y la vida digna pola que lluchamos.

Hai 208 años que, nun contestu nel qu’el réxime semifeudal y absolutista venía yá amosando la so decadencia y descomposición, el pueblu asturianu supo tar al altor de les circunstancies, xunto col restu de pueblos del Estáu. Les clases populares foron imprescindibles a la hora de puxar como suxetu políticu consciente, escontra un poder que nun consideraben llexítimu, pa que la rueda de la hestoria siguiere xirando y pa que güei Asturies y la nuesa identidá como asturianes seyan lo que son.

Anguaño la rueda de la hestoria nun paró de xirar, y podemos facer paralelismos con aquella época. Agora son el réxime actual y el sistema capitalista los que, na so decadencia, ataquen con toles sos fuercies a la clas trabayadora, de la mesma manera que a la cultura y la llingua d’Asturies, pero nosotres, igual qu’aquelles asturianes de 1808, vamos lluchar por construyir un mundiu nuevu, con trabayu dignu y una vida al altor de les nueses lluches, y nel que tar arguyoses de ser asturianes y de falar la nuesa llingua.

25 DE MAYU 1808-2016:

¡LES ASTURIANES SIGUIMOS LLUCHANDO!

¡PUXA ASTURIES!