[Galiza] Comunicado pola morte dun traballador en Ferrol

Unha vez máis vémonos na obriga de publicar unha nova, onde temos que lamentar o falecemento dun obreiro en accidente laboral, neste caso un traballador » Gerardo Huergo» da empresa auxiliar Nervión, empresa que realiza traballos de reparación de buques para Navantia.

Comunicado da Xuventude Comunista Galega

As primeiras investigacións apuntan a que baixaba unha escaleira cando se precipitou o vacio, unha vez máis vémonos na obriga de cuestionar, si se están a poñer por parte da patronal, todos os medios necesarios para evitar os accidentes laborais e si nos centros productivos se están a cumprir cos protocolos en materia de seguridade laboral ou si por mor da crise e para seguir a garantir os beneficios da patronal, se están a incumplir sistematicamente os protocolos de actuación e se forza as obreiras/os o seu incumplimento para aumentar a producción.

Dende a Xuventude Comunista sumámonos e apoiamos as reivindicacións do conxunto da plantilla de Navantia e Nervión, que unha vez coñecido o fatal suceso, decidiron paralizar a actividade e celebrar asembleas para esixir a dirección da empresa e as autoridades laborais competentes o esclarecemento dos feitos e que se tomen as medidas oportunas para que tales feitos non volvan a acontecer.

Trasladar tamén o noso máis sentido pesame, os familiares e amigos de Gerardo Huergo, un obreiro de 50 anos, natural de Gijón, que por mor da crise económica e polo desmantelamento de Naval Gijón fai unha década se viu obrigado a marchar da sua terra para labrarse un futuro en terras galegas, futuro que se viu truncado por mor dun fatal suceso.